Lawrence Lessig sinala en Barcelona que o modelo da SGAE non dá para máis na era dixital
martes, 10 de xullo do 2012
Agora que hai quen ve unha nova
vida para a SGAE, sobre todo tendo en conta que vai
estar en mans do galego Antón Reixa (que xa anunciou que traballará arreo
para refacer a maltreita imaxe, ou máis ben esnaquizada, da sociedade de xestión
logo dos terríbeis casos de corrupción dos que todas e todos ouvimos falar),
agora, malia todo isto que estamos a dicir, resulta que pouco se pode facer.
Polo menos isto é o que di o profesor de Harvard e experto en licenzas abertas
para o coñecemento, Lawrence Lessig, que estivo estes días en Barcelona para participar
no congreso Digital Law, organizado polo Colexio de Avogados da cidade, e que
aproveitou a oportunidade para
amosar o que se ve na súa bola de cristal particular acerca do futuro da SGAE:
un futuro esgotado, dixo.
Lessig, creador das licenzas
Creative Commons (que son as que permiten o emprego de obras culturais de
diversa índole, sempre e cando se recoñeza a autoría orixinal), apostou en
Barcelona pola desaparición das sociedades privadas de xestión dedicadas á
recadación dos dereitos de autor, feixe no que se insiren a SGAE e outras, xa
que ao seu xuízo estamos a falar dun modelo que non dá para máis e que non
encaixa na era dixital, na era do coñecemento, con todo o que isto implica:
colaboración, participación, acceso á información, inmediatez, riqueza
cultural, etc. Cousas, en definitiva, que non encaixan cos regulamentos fixos
nin cos atrancos legais que non sexan quen de adaptarse aos novos tempos. “Estas sociedades que veñen xestionando os
royalties”, engadiu, “foron no seu día
unha maneira eficaz de protexer aos autores dende o século XIX, pero hai que
probar outros modelos para ver cal é o que mellor funciona, porque este está
claro que xa non o fai”, explicou Lessig nunha entrevista coa axencia
Europa Press.
<embed src='http://www.lawyerpress.tv/files/jw-player-plugin-for-wordpress/player/player.swf' height='320' width='570' allowscriptaccess='always' allowfullscreen='true' flashvars="&bandwidth=3940&controlbar=over&dock=false&file=29062012c.mp4&hd.file=29062012chd.mp4&hd.state=false&image=http%3A%2F%2Fwww.lawyerpress.tv%2Ffiles%2F2012%2F06%2FPonencia-DLWC.jpg&mediaid=693&plugins=viral-2%2Chd-2&streamer=rtmp%3A%2F%2Fcdn3.iuristel.net%2Fvod_lawyer&viral.allowmenu=true&viral.bgcolor=0x333333&viral.fgcolor=0xffffff&viral.functions=embed&viral.matchplayercolors=true&viral.oncomplete=false&viral.onpause=false"/></embed>
Intervención de Lessig no primeior congreso Digital Law que tivo lugar en Barcelona