Lámbrica impulsa na Rede o seu segundo audiovisual, a cuarta de ciencia ficción en galego Heliotropo
mércores, 18 de xaneiro do 2023
O
talento galego non descansa, e os contidos audiovisuais na Rede non
son unha excepción. Proba disto é o pulo que está a recibir a
curtametraxe de ciencia ficción Heliotropo nas redes sociais
(por exemplo en
Instagram) e na plataforma de
micromecenado Verkami, onde conta cun espazo de seu para recadar
apoios e chegar a bo porto. Heliotropo é unha curtametrax en
galego que vén da man de Lámbrica Producións, unha incipiente
produtora de cinema de ciencia-ficción e fantasía viguesa.
A
traxectoria deste selo novo comezou en 2022, cando produciron a súa
primeira curta, Abismo, seleccionada en varios festivais.
Actualmente, o equipo de Lámbrica está a traballar arreo na súa
segunda contribución audiovisual, Heliotropo, que cualifican
de “moito máis ambiciosa”. Arestora atópanse mergullados na
fase de posproducción, cunha campaña activa de micromecenados na
plataforma Verkami. O obxectivo de recadación é de 2.500€, que só
se cobrarán de chegaren ao devandito obxectivo a data do 13 de
febreiro.
A
contía das achegas son pechadas e van desde 10€ ata 250€, e
todas elas veñen con recompensa: desde a ligazón exclusiva online
para o visionado de Heliotropo cando estea rematada, a unha
recreación dun arma de fogo utilizada na curta, pasando por material
de promoción comecial diverso (chapas, cuncas, bolsas de tea, etc)
ou mesmo un libreto adicado.
Na
ligazón da campaña xa podemos atopar todos os demais detalles sobre
Heliotropo, incluído o tráiler, o argumento e moitas
fotografías, así como información moito máis detallada sobre a
campaña de micromecenados en si e as recompensas.