La Caixa entrega este xoves na Coruña os Premios EmprendedorXXI edición galega
martes, 3 de xuño do 2014
Marc Benhamou, director
territorial de La Caixa en Galicia, e Javier Aguilera, director xeral
do IGAPE, presidirán este xoves 5 de xuño, ás 11.30 horas, o acto
de entrega dos Premios
EmprendedorXXI en Galicia, unha iniciativa impulsada pola
entidade financeira e co-outorgada polo Ministerio de Industria a
través de ENISA. En Galicia, os Premios EmprendedorXXI contan tamén
co apoio do Instituto Galego de Promoción Económica (IGAPE).
Sinalar que este ano (a oitava edición) presentáronse dúas ducias
de empresas galegas. Finalmente foron seleccionados cinco finalistas.
As cinco compañÃas que
ficaron finalistas son Kiply.com (tecnoloxÃa e hardware para
recoller, avaliar e retroalimentar datos da vida profesional das
persoas), Biolactis (firma biotecnolóxica baseada na investigación
e produción de probióticos, microorganismos vivos que favorecen a
saúde das persoas), Chemantec (iniciativa xurdida da USC que achega
servizos de ensaios analÃticos para determinar a seguridade de
produtos alimentarios), Monet (compañÃa de innovación tecnolóxica
que ofrece ás adegas un sistema para axudar a mellorar a calidade do
viño desde o viñedo) e Torus (firma que desenvolve e comercializa
un novo protocolo de comunicacións alternativo ao IP actual, un
sistema que posibilita acelerar aplicacións de gran proxección
futura e ligadas ao manexo de grandes datos).
O gañador autonómico
dos Premios EmprendedorXXI obterá 5.000 euros e a participación nun
programa de acompañamento e traballo en rede internacional, con
estancias nalgúns dos principais polos de innovación do mundo: a
Universidade de Cambridge, Tel Aviv, Silicon Valley e Nova York.
Ademais, o gañador clasificarase para a fase estatal dos Premios
EmprendedorXXI, que se fallará no mes de novembro.
O acto de entrega (ás
11.30 horas no Hotel Attica21 da Coruña) tamén contará coa
presenza do emprendedor Javier MartÃn, fundador de loogic.com ou
iniciador.com, que impartirá a conferencia Emprender lixeiro.
A asistencia está aberta a todo o público interesado, previa
confirmación de asistencia.