LG presenta o primeiro chip para comunicacións LTE

Agora que as redes de telefonía 3G están bastante implantadas tanto a nivel de infraestruturas como de dispositivos, os fabricantes e as operadoras de telecomunicacións comezan a avanzar no seguinte paso evolutivo para as conexións de banda larga móbil, e nesta liña LG anunciou o primeiro chip 3GPP LTE para teléfonos móbiles e dispositivos de datos que con só 13 x 13 milímetros sería capaz de establecer conexións cunha velocidade de 100 Mbps de descarga e 50 Mbps de subida (aínda que nas unidades probadas só chegaron aos 60/20 Mbps respectivamente) polo que estás comunicacións 4G superarían sobradamente as conexións HSDPA actuais, aínda que ata 2010 non veremos móbiles con estes chips integrados de serie.