Kinect chegará ás tendas europeas o 10 de novembro

Microsoft, co gallo da feira de videoxogos Gamescom 2010, deu a coñecer oficialmente a data de lanzamento europea de Kinect, o seu sistema de control de movemento para a Xbox 360, que non será outra que o 10 de novembro, poucos días despois da súa chegada aos EE.UU.
Esta nova solución de xogo e lecer potenciar á Xbox 360 e facilitará a súa achega a un público ocasional, aínda que o seu prezo duns 149 euros (incluíndo o xogo Kinect Adventures) pode ser un freo para a súa difusións (aínda que a súa compra xunto cunha Xbox 360 pode resultar máis rendible que a súa adquisición por separado, dándose a entender que estamos ante un produto que busca captar público para a consola doméstica de Microsoft, que nas últimas semanas mellorou as súas venda grazas ao lanzamento dunha versión máis pequena e compatible con Kinect (inclúe un porto especial para a cámara de Kinect, o que evita que sexa preciso utilizar un adaptador de corrente adicional).
Kinect estrearase cun nutrido catálogo de xogos coma Kinect Sports, Kinectimals e Kinect Joyride, á vez que moitos outros títulos irán aparecendo para esta plataforma nos vindeiros meses.