Issuu estrea versión móbil

A plataforma de publicación de documentos en formato PDF para a súa cómoda e atractiva visualización a través da web, Issuu, vén de lanzar unha versión móbil do seu visor de publicacións que polo momento está dispoñible para os terminais co sistema operativo Android, estando en preparación unha versión para o iPhone que chegará nos vindeiros días, o que facilita o acceso a multitude de documentos que van dende libros ata revistas dende dispositivos móbiles.
Dende Código Cero levamos meses facendo uso desta ferramenta para facilitar o acceso aos contidos da nosa edición impresa, e aínda que publicamos os ficheiros PDF correspondentes, o feito de que un usuarios poidan acceder a tal información sen descargar o documento completo resulta moi atractivo, e de poderse facer dende o móbil a versatilidade desta ferramenta medra considerablemente.
Polo momento os contidos de Issuu son todos de balde, pero non sería sorprendente que no futuro mudase a un modelo de negocio mixto, no que ofrecese contidos de pagamento, coma subscricións a revistas, polo que a potenciación de visores móbiles suporía un factor diferencial que podería contribuír ao seu éxito.

Demostración do funcionamento da versión móbil de Issuu

Algúns exemplares de Código Cero dispoñibles a través de Issuu