Intermax permitirá que a movida nocturna de Melide poida seguirse a través da Rede
venres, 14 de outubro do 2011
Tras iniciativas de
interese como a dotación de servizos de telecomunicacións ao Pantín Classic
(que retransmitiuse a través da Internet para todo o mundo) e a instalación dun
sistema de vixilancia a través da Internet en varias igrexas de Melide, Santiso
e Arzúa, os responsables da compañía
melidense Intermax anuncia que o vindeiro sábado ás 2:00 horas vai
presentar o proxecto Movida 2.0, que emitirá música en directo a través da Rede
para todo o mundo, para o que contaron coa colaboración do Concello de Melide e
os pubs da vila. As sesións musicais tamén poderanse escoitar a través das
ondas de Radio Melide.
Esta iniciativa procura potenciar e incluír o uso das TIC no mundo da noite, de
aí que elixisen Melide, unha vila referente a nivel de lecer, como punto para
iniciar este proxecto pioneiro. Á presentación oficial de Movida 2.0, que terá
lugar nunha carpa instalada na concorrida zona
dos pubs, asistirán a alcaldesa Ángeles Vázquez, a concelleira de Novas
Tecnoloxías e Xuventude, Dalia Couso, o concelleiro de Turismo, Santos López, o
director xeral de Intermax, Javier Mouriño, técnicos da empresa e propietarios
dos locais que participan no proxecto.
O sistema leva probándose 2 semanas con resultados satisfactorios, transmitindo
a través da Rede a música que pode escoitarse no Pub Qmais e na Discoteca
Palladium, aínda que está iniciativa está aberta a todos os locais de Melide
que desexen adherirse ao proxecto.