Ineo salientará nunha xornada a potencialidade das nosas empresas en Iberoamérica
luns, 13 de xuño do 2011
- Jorge Cebreiros, presidente de Ineo
O camiño das nosas empresas tecnolóxico-dixitais
no exterior vai gañando cada vez máis en alcance, firmeza e amplitude. Nisto ten
que ver moito a cooperación entre empresas, unha fórmula á que se lle tira
partido dende hai anos e todo apunta a que seguirá sendo un dos nosos
principais recursos para abrÃrmonos camiño nos mercados. De colaborar e de
afianzármonos ben lonxe é do que vai tratar, precisamente, o encontro de Ineo (unha das nosas asociacións máis activas
no traballo conxunto) previsto para o vindeiro 22 de xuño: a Xornada Internacionalización aos paÃses
iberoamericanos.
A xuntanza, a desenvolver en colaboración coa
Confederación de Empresarios de Galicia, celebrase en Santiago de Compostela.
A súa columna vertebral temática será a busca
de novos mercados, neste caso concreto en Iberoamérica, avaliando e salientando
o potencial (amplo) das nosas empresas para dar, como se adoita a dicir nestes
e noutros casos, o gran chimpo ao charco.
Máis polo miúdo, trataranse temas como as licitacións no plano internacional, a
cooperación tecnolóxica a través de Cooperatic
ou o financiamento de proxectos.
A xornada contará coa presenza de relatores
experimentados, como Javier Echávarri, do CDTI, quen procederá a presentar as
vantaxes e posibilidades de Iberoeka (Oportunidades
de colaboración internacional en Investigación e Desenvolvemento no sector TIC).
Tamén intervirán ao longo da mañá do 22 de xuño na sede da CEG Gloria DÃaz,
xerente da Confederación Nacional de Empresas TIC (falando de novo das moitas
potencialidades de Cooperatic) ou Alberto Abella, socio de Rooter (presentando
a GuÃa de factores básicos de cooperación en I+D).