Ineo estrea canle en Twitter
xoves, 16 de decembro do 2010
A asociación empresarial Ineo está a espallar a súa presenza na Rede 2.0
e nas súas diferentes comunidades. É nesta liña onde se insire a estrea de espazo propio en Twitter, novo vieiro
de comunicación acabado de estrear co que a entidade galega con sede na Zona
Franca de Vigo quere estreitar o contacto cos seus socios e, por extensión, con
todo o tecido produtivo galego. En termos máis especÃficos, o obxectivo de Ineo
(a dÃa de hoxe integrada por máis de 80 empresas e achegando un volume de
facturación que vai alén dos 250 millóns de euros) é informar en tempo real das
novidades relativas á organización e ás súas empresas, asà como dos principais
eventos e novas do sector TIC. Por certo que Ineo tamén está de actualidade
este xoves 16 pola celebración en Vigo do Encontro
Empresarial do Sector TIC.
A xuntanza, como dixemos estes dÃas, reúne no
Hotel Pazo Os Escudos da cidade aos dirixentes das 14 asociacións que
constitúen CONETIC (a confederación española de firmas deste eido de actividade)
e a unha boa parte dos máis salientables representantes do tecido produtivo da
innovación galega.
A xuntanza dará comezo coa actividade
InnovaMeet, un apartado con vida propia que dará acubillo a diferentes encontros
de breve duración entre os participantes nesta cita e co obxectivo de asentar
os alicerces de colaboración a curto e medio prazo.
Por certo que o evento tamén contará coa presenza do presidente da Xunta,
Alberto Núñez Feijoo, a secretaria xeral de Modernización, Mar Pereira, e o
presidente de Ineo, Jorge Cebreiros (na imaxe). Os tres encargaranse de valorar
o potencial deste encontro (que se prevé o primeiro dunha serie longa) e de
clausuralo oficialmente.
Tras a xuntanza, Ineo presentará o seu novo Plan Estratéxico 2011-2014 perante
o seu Consello Consultivo, integrado polo Consorcio Zona Franca de Vigo, a
Confederación de Empresarios de Galicia, Banco Sabadell Atlántico,
Novacaixagalicia, a Asociación de Enxeñeiros de Telecomunicación de Galicia e
as Universidades de Vigo, A Coruña e Santiago de Compostela.