Industria non regulará as redes P2P
martes, 26 de xuño do 2007
- Joan Clos, Ministro de Industria
Unha
entrevista ó ministro Joan Clos publicada en El País está a dar moito que
falar, xa que consultado sobre pola posible regulación das descargas a través
da Internet Clos respondeu que “non imos
a intentalo de novo. Todo o proceso de descargas pola Internet está medrando
moitísimo e é practicamente imposible regulalo de xeito eficiente. Estamos no
bando dos que promovemos a liberdade”.
Se ben, a liberdade e as redes P2P non parecen ter moito que ver, o feito de
que o Ministerio de Industria non vaia a regular a práctica das descargas está
a ser considerado como unha
vitoria por parte dos usuarios da Internet.
Hai que considera que isto só sería un primeiro paso, e que habería
que racionalizar elementos coma o canon dixital, que está a converterse nun
sistema de subvención para os artistas, que deberían buscar xeitos de adaptarse
ós cambios que se están a producir no seu sector.
Pero Ros non só falou das descargas de ficheiros a
través da Rede, senón que tamén comentou na entrevista para El País, que están
a traballar para regulación do audiovisual pero considerando difícil que a tan
comentada Lei do Audiovisual se poida concretar nesta lexislatura, aínda que o
que si chegará antes das vindeiras eleccións xerais será o concurso de licenzas
de televisión dixital móbil, pois xa están a preparar o procedemento
concesional.