Industria lanza unha aplicación para afianzar nos concellos o uso de factura electrónica
martes, 14 de xuño do 2011
O
Ministerio
de Industria
vén de poñer a disposición dos concellos a a primeira versión da
plataforma e-fácil, unha ferramenta informática de balde integrada
no Plan Avanza e dirixidas a facilitar o traballo administrativo a
través dunha aposta polo dixital. Máis polo miúdo, permitiralles
ás entidades locais a recepción de facturas electrónicas e a
constitución telemática de empresas. De feito, e-fácil constitúe
o achegamento aos concellos do formato facturae
(estándar
de factura electrónica) e máis do Centro de Información e Rede de
Creación de Empresas (CIRCE), que posibilita a constitución dunha
empresa de xeito telemático, é dicir, a distancia e con axuda das
novas ferramentas dixitais.
Esta
integración con CIRCE, en funcionamento dende 2003, cobre as
necesidades de tramitación estatais e autonómicos para os procesos
de creación de tres tipos de entidades: sociedades de
responsabilidade limitada, sociedades limitadas novas empresa e
empresario individual (autónomo). A maiores de todo isto, e-fácil
deixa marxe para que os emprendedores poidan consultar os trámites
de formalización do seu negocio dende as páxinas web dos concellos.
Isto poderá levarse a cabo a través dun servizo chamado cartafol do
empresario. Sinalar tamén que e-fácil é un aplicativo
multientidade, o que deixa a xestión en mans de entidades
supramunicipais que centralizarán e reducirán os custos de
mantemento.
