Industria aproba 1,26 millóns de euros en axudas para I+D+i das empresas españolas

O Ministerio de Industria, Turismo e Comercio, a través da Dirección Xeral de Desenvolvemento Industrial, vén de aprobar 1,26 millóns de euros de novas axudas dirixidas a incrementar a participación das empresas españolas nos programas internacionais de I+D+i.
Do total de 65 proxectos presentados, xa foron aprobados 45, que recibirán unhas axudas medias de 27.250 euros a modo de subvencións.
A execución deste plan de axudas vai mobilizar máis de 7 millóns de euros, que irán destinados a empresas pertencentes a sectores tan diversos como os das tecnoloxías agroalimentarias, materiais, biotecnoloxía, sostenibilidade medioambiental, transporte marítimo, químico, turístico...
Coas devanditas axudas, vanse apoiar, entre outras, actuacións destinadas a favorecer a participación das empresas españolas nos Programas de I+D+i internacionais tales como EUREKA, IBEROEKA ou o VII PROGRAMA MARCO, correspondentes ás fases de preparación e procura de socios para a definición de proxectos que estas empresas nacionais lles presentarán ós mencionados.