Industria aporta 150.000 euros á financiación da Fundación I+D+i Ciencia, Tecnoloxía e Empresa

O secretario de Estado das Telecomunicacións e para a Sociedade da Información, Francisco Ros, maila presidenta do Patronato da Fundación I+D+i Ciencia, Tecnoloxía e Empresa, Elena García-Alcañiz, veñen de asinar un convenio de colaboración para canalizar a subvención concedida á devandita Fundación e financiar as actuacións que leve a cabo no campo da Investigación Científica, o Desenvolvemento e a Innovación Tecnolóxica.
A devandita financiación formalizada mediante este convenio ascende a un importe de 150.000 euros. Esta cantidade será destinada a cofinanciar as actividades que leva a cabo a Fundación I+D+i para contribuir ó incremento do benestar social, á creación de emprego e ó desenvolvemento dos países onde desplegar a súa actividade.
Entre as actividades que están previstas levar a cabo destacan:
- Darlle pulo ó programa internacional IBEROPAR da Unión Interparlamentaria de Comisións de I+D.
- Xestión do programa ATHINA para a coordinación de políticas autonómicas e estratégicas empresariais de I+D+i.
- Intercambio de coñecementos e experiencias para mellorar e perfeccionar as actividades no campo da Investigación, o Desenvolvemento e a Innovación.
- Darlle pulo ós intercambios internacionais de bens e/ou servizos mediante a apertura e prospección de mercados externos ó país de residencia das empresas.
- Outras actividades ou prestacións relacionadas coas citadas anteriormente, preparatorias ou complementarias ás mesmas.