Inditex quere fichar á presidenta de Microsoft España como conselleira independente
xoves, 14 de xuño do 2018
Esta semana Inditex presentou ao seu Consello de Administración
para a súa elevación á Xunta Xeral de Accionistas a
proposta de nomeamento de Pilar López
Álvarez, presidenta de Microsoft España, como membro do Consello de
Administración coa cualificación de conselleira independente en substitución de
Carlos Espinosa de los Monteros, que finaliza o seu mandato o 15 de xullo.
López leva na presidencia de Microsoft España dende
xullo de 2015, tras ter ocupado postos de responsabilidade en Telefónica e
J.P. Morgan, de xeito que parece especialmente atinada para contribuír a
Inditex na súa dixitalización, dado o seu amplo coñecemento do sector dixital e
das TIC, considerado actualmente como prioritario pola compañía de Arteixo.
A incorporación desta nova conselleira tamén contribúa a reducir a reducir a antigüidade
media dos conselleiros independentes (un dos obxectivos que se tiñan fixado) e
tamén contribúe a incrementar o número de conselleiras do total dos membros do
Consello de Administración.
