IU prepara un xornal dixital con información de esquerdas
venres, 6 de febreiro do 2009
O secretario de
Comunicación Externa e Electoral de Izquierda Unida, Ángel Pérez, explicou hoxe
que a súa formación prepara
unha vía de comunicación alternativa aproveitando as posibilidades
da Internet, co obxectivo de trasladar directamente e con nitidez as súas
propostas á sociedade, de forma complementaria á información que ofrecen os
medios de comunicación tradicionais, e logrando unha maior coordinación das máis
de 600 páxinas web e blogs relacionados con IU na actualidade.
O novo medio pretendería trasladar á sociedade as propostas da formación
política, pero non queren que se limite a información de IU senón que tamén
sirva de plataforma para «información
alternativa que chegue e interese a ese contorno de esquerdas».
O novo periódico dixital aínda non ten nin unha nome definido nin unha data de
lanzamento estimada, aínda que é de agardar que se estrea antes das eleccións
europeas de xuño.
