INEO e AETIC colaborarán na promoción da Sociedade da Información en Galicia
venres, 14 de maio do 2010
INEO
e AETIC Galicia subscribiron un convenio de colaboración para potenciar o desenvolvemento
do sector produtivo das TecnoloxÃas da Información e a Comunicación (TIC) na
Comunidade Autónoma. Con este obxectivo común, ambas entidades
complementarán as súas formulacións estratéxicas e porán en marcha
iniciativas comúns. A alianza, que ten unha vixencia de tres anos prorrogables,
permitirá mellorar a visibilidade das empresas galegas no panorama nacional e
internacional e contribuirá a impulsar a Sociedade da Información.
O acordo entre as dúas asociacións, as máis representativas do sector TIC
galego, foi asinado hoxe na Coruña por Rafael Valcarce Baiget, Presidente do
Consello Territorial de AETIC en Galicia, e Jorge Cebreiros Arce, Presidente de
INEO.
«Para INEO, ser
socio estratéxico de AETIC en Galicia é un importante avance que, sen dúbida,
contribuirá a impulsar o crecemento do sector na nosa Comunidade. Por outra
banda, contar co respaldo da maior asociación TIC en España permitirá aumentar
a participación das nosas empresas asociadas en proxectos tecnolóxicos de
ámbito estatal», explicou Jorge Cebreiros Arce,
Presidente de INEO.
«Desde AETIC Galicia, estamos convencidos
de que a alianza selada hoxe é un paso adiante para fomentar o desenvolvemento
tecnolóxico en Galicia. O compromiso de ambas as entidades é complementar as
nosas visións estratéxicas e cooperar na proposta e execución de proxectos e de
actividades comúns, que contribúan ao avance do sector TIC na nosa Comunidade»,
asegurou Rafael Valcarce Baiget, Presidente de AETIC Galicia.
En virtude do convenio subscrito, INEO e AETIC Galicia comprométense a
complementar os seus posicionamentos estratéxicos de face á participación
naqueles foros nos que ambas as asociacións se atopen representadas.
Coordinarán, asà mesmo, as súas accións para conseguir a máxima eficacia, en
aras de aproveitar sinerxÃas comúns entre as empresas, impulsar o sistema
produtivo do TIC e lograr un maior desenvolvemento da Sociedade da Información
en Galicia
Ambas entidades considerarán como propios aos asociados da outra parte e
comprométense a intercambiar información e a dar a máxima difusión entre os
seus membros ás actividades dunha e outra organización.
De igual modo, AETIC Galicia e INEO desenvolverán e executarán de maneira
conxunta proxectos e actividades de interese común, conforme a unha
programación que se establecerá no marco da Comisión Mixta de Seguimento do
Convenio. Este órgano terá, ademais, a responsabilidade de velar polo
cumprimento do acordo entre ambas as entidades.