IEEE 1667: o novo estándar de seguridade para memorias USB

Os usuarios que utilizan memorias USB para transportar información importante coñecerán as diversas solucións que hai para asegurar esta información ante roubo de datos, así como a súa problemática por mor da incompatibilidade con moitos sistemas, e para evitar estes últimos atrancos veñen de aprobar o estándar IEEE 1667, que regulará os protocolos de autentificación para os dispositivos de almacenamento móbiles.
Deste xeito os usuarios poderán restrinxir o acceso aos datos dun dispositivo a un usuario ou a un equipo determinado, e esta política de uso poderá operar en distintas plataformas (ou sexa, que sería indiferente que conectásemos a nosa memoria USB a un ordenador con Windows, Mac OS X ou Linux).
O estándar IEEE 1667 estaría dirixido especialmente a empresas e administracións públicas, antes a crecente necesidade de protexer os datos cos que operan, especialmente no ámbito das copias de seguridade.