Hotmail mudarase definitivamente a Outlook.com no verán
martes, 19 de febreiro do 2013
O pasado verán Microsoft
presentou Outlook.com como unha renovación do clásico Hotmail, que podÃan
adoptar voluntariamente os seus usuarios, e que supuña un grande avance na súa
interface de usuario, asà como a adopción dun nome de dominio máis prestixioso
(a marca Outlook ten unha imaxe profesional, mentres que o correo de Hotmail ten
sona de servizo obsoleto ou pasado de moda), migración que ata o momento é
totalmente voluntaria é á que se sumaron 60
millóns de usuarios en 6 meses, o que serviu de campo de probas para unha
actualización de Hotmail que Microsoft vai impor en breve.
Dende Outlook.com pretendÃase achegar unha experiencia de uso máis sinxela e
atractiva (na liña da interface moderna de Windows 8), adaptada aos modernos
navegadores web e dispositivos, facilita o uso de SkyDrive para compartir
ficheiros a través do e-mail e pretende que os usuarios teñan certo control
sobre a súa privacidade.
Outlook.com tamén permite conectar con Facebook, Twitter e LinkedIn para
manterse ao dÃa da información de contacto, actualizacións, fotos e tuiteos dos
seus amigos, de xeito que cando se está a ler unha mensaxe dun amigo, en vez de
ver anuncios, amósanse as últimas actualizacións dos contactos en Facebook ou Twitter.
- Outlook.com facilita o intercambio de documentos a través de SkyDrive
O salto de Hotmail.com a Outlook.com pode realizarse de xeito instantáneo e sen
problemas, conservándose toda a actividade de Hotmail ao pasar a usar Outlook,
continuando a funcionar o vello enderezo de correo electrónico (aÃnda que
podendo comezar a empregar xa o sufixo @outlook.com) á vez que os usuarios
poden beneficiarse das melloras de Outlook.com con só visitar tal enderezo web.
O proceso de transición de todas as contas de correo de Hotmail a Outlook.com
comeza hoxe e espera rematarse para o verán, polo que como aconteceu noutros
procesos de migración anteriores, recomendamos a actualización canto antes de
xeito voluntario, para ir afacéndose a un cambio inevitable.