HP afianza a súa aposta móbil con experimentados profesionais de Nokia e Samsung
luns, 18 de outubro do 2010
Hewllett-Packard quere sacar o máximo rendemento posible ao negocio dos móbiles, estratexia impulsada hai uns meses coa compra de Palm (que malia a súa crise interna ofrecÃa un gran potencial do seu sistema operativo móbil, webOS) e agora certificada de xeito definitivo trala fichaxe de dous altos directivos das compañÃas Nokia e Samsung, profesionais que en poucas semanas achegarán a súa experiencia no equipo de Palm e a súa plataforma estrela: o sistema para móbiles webOS.
Segundo se informa na Rede, a comezos deste mes de outubro iniciouse a primeira das incorporacións, ao renunciar Ari Jaaksi ao seu cargo de xefe da división de Nokia Meego. EstÃmase que ao longo do vindeiro mes de novembro, Jaaksi pasará a ocupar o posto de vicepresidente senior do devandito departamento de HP Palm.
Amais deste ex alto directivo de Nokia, Hewlett Packard vén de formalizar a incorporación de Victoria Coleman, responsable dunha boa parte dos éxitos do Samsung Center (San José) en materia de innovación. O seu cometido na multinacional HP será o de asegurar a máxima calidade en materia de soporte e desenvolvemento de aplicacións para a nova xeración de webOS.