Granxafamiliar.com, no punto de mira da investigadora italiana Sonia Angelisi
venres, 10 de xuño do 2011
O portal galego www.granxafamiliar.com, a pleno
rendemento estreitando a distancia que existe entre as despensas dos contornos
urbanos e as explotacións rurais da nosa terra, está a espertar interese entre
a comunidade investigadora internacional. Asà nolo conta a Universidade de
Santiago, da que partiu precisamente a iniciativa en liña, que dá acubillo
arestora a ducias de negocios familiares das nosas catro provincias, poñendo na
Rede todo tipo de produtos: queixo, mel, viño, froitas, verduras, etc.
Pois ben, segundo
informa a USC, a investigadora da Universidade de Calabria, Sonia Angelisi,
elixiu a iniciativa galega para a súa tese de doutoramento, sendo o seu obxecto
comprobar de primeira man que é o que move aos consumidores que participan no
portal: os aspectos económicos ou tamén os valores ecolóxicos e de
solidariedade.
Na súa hipótese de traballo, Angelisi dirÃxese
a demostrar que estes novos xeitos de actividade económica contribúen tamén ao
intercambio de información e valores. No seu traballo, entre outras cousas, procederá
a comparar o proxecto galego (impulsado polo grupo GIS-T do Idega da USC para
favorecer a venda directa, sen intermediarios, a través da Rede, ao tempo que
se promove o comercio xusto e a calidade) co equivalente italiano, www.campagnamica.it.
Sobre este portal, dicir que se encamiña a certificar e informar polo miúdo dos
vieiros polos que discorren os alimentos ao longo da cadea de produción. Trátase
dun proxecto que dá acubillo a explotacións de Calabria co obxecto de mellorar
a distribución dos produtos e o contacto entre explotadores e consumidores e
entre todos eles e o substrato histórico e tradicional no que se insiren.
Segundo informa a USC, esta cooperación
investigadora insÃrese no marco das relacións académicas entre o GIS-T do Idega
e a Escola de Doutoramento de Coñecemento e Innovación para o Desenvolvemento
André Gunder Frank da Universidade de Calabria.