Google supera a Apple como marca máis valiosa do mundo
mércores, 21 de maio do 2014
O estudio anual de marcas elaborado por Millward Brown
coñecido como BrandZ
Top 100 vén de publicar a súa edición de 2014, na que rexistran un valor de
2,9 billóns de dólares nas 100 marcas máis importantes do mundo, o que supón un
crecemento do 12% sobre o ano pasado, o que resulta bastante impresionante,
pois nos últimos anos este crecemento era aproximadamente da metade, o que
poderÃa ser un signo da recuperación económica global.
Un dos detalles máis salientables da listaxe coas 100 marcas máis valoradas do
mundo é a recuperación do liderado por parte de Google, marca valorada en
158.843.000 dólares, superando os 147.880.000 millóns de Apple. Un ano máis as
empresas tecnolóxicas seguen a ser as máis relevantes, con IBM, Microsoft,
AT&T e Amazon ocupando as posicións 3, 4, 8 e 10 respectivamente. Tamén
destacou Facebook por lograr ascender ata o posto 29, ou LinkedIn, que
estreouse nesta relación de marcas no posto 78.
Neste Top 100 só atopamos un par de marcas españolas, como son Zara no posto 37
e Movistar no posto 46.
- Relación das 10 marcas máis valoradas en 2014