Google podería cesar finalmente as súas actividades en China

A relación entre Google e o Goberno chinés está nun momento crítico, e agora chegan a asegurar que a posibilidade de que Google cese as súas actividades en China cumprindo coas súas ameazas previas serían do 99,9% ante o feito de que as negociacións coas autoridades chinesas están atascadas.
Dende Google denunciaron padecer un importante ataque informático no que existiría certa implicación do goberno local, e poñían coma condición para continuar a operar en China o cesamento da censura de contidos no país asiático, mentres que o primeiro ministro chinés asegura que as empresas estranxeiras son benvidas no país sempre que respecten as súas leis e o ministro de Industria e Tecnoloxía da Información incluso matizou que «a multinacional ten a liberdade de irse ou quedar» e, no caso de decidir esta última opción, «o sector da Internet non se verá afectado por elo e seguirá desenvolvéndose rapidamente» pois non debemos esquecer que Google en China é un buscador minoritario.