Google e YouTube axudarán a facer un seguimento das eleccións norteamericanas
luns, 7 de novembro do 2016
Ante a chegada das eleccións presidenciais dos EE.UU. dende
Google dan conta que tanto o seu buscador como YouTube poden empregarse como
potentes ferramentas
para estar informados do que acontece ao outro lado do Atlántico durante a
xornada, de feito que cando ese dÃa busquemos sobre os comicios dende
Google atoparemos datos sobre o escrutinio en tempo real, permitindo consultar
os datos a nivel nacional e estatal. Esta información achegarase a equipos de
escritorio, á web móbil e á aplicación de buscas de Google e tamén incluirá os
referendos e propostas electorais a nivel estatal recollidos por Associated
Press.
No caso de YouTube a contribución chegará por parte das organizacións de novas
que están a optar en moitos casos por esta plataforma para informar en tempo
real, de xeito que durante a noite do martes poderemos acceder a emisións en
liña da NBC, PBS, MTV, Bloomberg, Telemundo e
The Young Turks para facer un
seguimento dos resultados en vivo, ao que Complex News
contribuirá de xeito moi especial cun evento especial que realizan dende o
YouTube Space de New York.