Google Play Music ábrese ao podcasting nos EE.UU. e Canadá
luns, 18 de abril do 2016
O pasado outono Google anunciou que
volverÃa a tenden unha ponte aos podcasts dende Android, xa que este
formato de contidos sonoros, que en iOS ten aplicación de seu e que leva moito
tempo gozando do apoio de Apple, ten unha complicada relación con Android,
plataforma na que chegou a facilitarse a xestión de subscricións entre Google
Reader e Google Listen, pero que actualmente carecÃa de apoio oficial por parte
de Google, o que finalmente está a cambiar, e hoxe
mesmo nos EE.UU. e Canadá estréase o soporte de podcasts en Google
Play Music, o que non se limita a converter a aplicación de Android nun
reprodutor de podcasts, senón que vai asociado a un catálogo de podcasts
xestionado por Google (na liña do que Apple fai en iTunes), o que fai
precisamente que teñamos que agardar meses para poder gozar deste novo servizo
dende España, xa que será preciso que primeiro abran a posibilidade de
inscribir podcasts nesa base de datos, que terá que alimentarse durante meses
antes de facilitar o acceso a unha boa selección de podcasts dende Android.
Este servizo non quere ser só unha colección de podcasts, senón que pretende
facilitar a localización de contidos sonoros que sexan do noso interese,
convidando á exploración, de xeito que cando atopemos podcasts dos que gustemos
poidamos subscribirnos aos mesmos para seguilos puntualmente.
Confiemos en que este servizo chegue pronto a España, aÃnda que cómpre lembrar
o feito de que, o abandono deste fenómeno por parte de Google levou a que en
España prosperasen servizos moi atractivos e de éxito como iVoox, que opera tanto como catálogo de
podcasts como de plataforma de publicación dos mesmos.