GAIN presenta os nosos sete proxectos punteiros impulsados finalmente por Ignicia
mércores, 4 de agosto do 2021
- Patricia Argerey, directora da Axencia Galega de Innovación
A
Axencia Galega de Innovación (GAIN) deu a coñecer este 4 de agosto
os sete proxectos que se verán beneficados do
programa Ignicia, levando ao mercado cadanseus resultados de
investigación en contros de coñecemento. Ignicia, unha iniciativa
pioneira en España impulsada por GAIN en colaboración coa Fundación
Barrié, chegou este ano á súa terceira edición. Os proxectos
seleccionados están promovidos polas universidades de Vigo e
Santiago de Compostela, a Asociación de Investigación Metalúrxica
del Noroeste (Aimen), o Centro Tecnolóxico de Telecomunicacións de
Galicia (Gradiant) e a Fundación Profesor Novoa Santos da Coruña.
Nas dúas edicións anteriores, esta iniciativa financiou con 7M€
un total de 16 proxectos que involucran a máis de 120 persoas
traballadoras. Este ano presentáronse 28 propostas.
O
programa Ignicia Proba de Concepto ten o obxectivo de promover o
desenvolvemento de aplicacións comerciais das investigacións
xeradas nos centros de coñecemento galegos, facilitando así a
validación da tecnoloxía e a elaboración de plans de negocio.
Tal
e como sinalou a directora de GAIN, Patricia Argerey, o obxectivo
principal é “promover a transferencia dos resultados da
investigación que se xera nos centros de coñecemento galegos e
levar eses resultados ao mercado para facer rendíbela investigación
en Galicia”.
Destas
propostas elixidas, catro pretenden chegar ao mercado a través da
creación dunha spin-off, mentres que as tres restantes
propoñen o licenciamento á industria. Por ámbitos sectoriais, dous
proxectos pertencen ás Tecnoloxías de Información e Comunicación
(TIC), un ao desenvolvemento de equipos médicos, dous a novas
terapias farmacolóxicas e outros dous a tecnoloxías industriais.
O
orzamento total solicitado por estes proxectos, que terán unha
duración de dous anos, ascende a 2,8 millóns de euros, o que
implica un investimento medio de arredor de 400.000 euros. Así
mesmo, contarán coa participación de máis de 30 investigadores.
A
directora de GAIN explicou que a partir de setembro estas iniciativas
terán dous meses para perfilar os seus plans de comercialización,
apoiados polo asesoramento especializado do equipo do programa
Ignicia, para logo recibir os grupos de investigación unha achega
económica para financiar os custos que supón trasladar ditos plans
ao mercado.
Cinco anos de iniciativas
Nas dúas edicións anteriores, a convocatoria do Ignicia posibilitou, a través de 7M€, o desenvolvemento de 16 proxectos que involucran a máis de 120 persoas traballadoras. Así mesmo, desde a súa posta en marcha en 2016, xa están constituídas 8 spin-offs que dan emprego a máis de 50 persoas, e completouse a transferencia dunha licenza á industria. En total, 9 proxectos xa están finalizados e xerando retornos para a Administración autonómica.
Descrición dos proxectos
• Celia: Intelixencia conversacional para asistentes
orientados á linguaxe. O proxecto pretende valorizar un motor
conversacional ou chatbot con capacidades empáticas
consistente en diversas librarías software, concibido segundo a
filosofía de “deseño para todos”, e orientado a entretemento e
monitorización terapéutica para persoas con capacidades limitadas
de abstracción a través do acceso personalizado á información.
Entidade: Universidade de Vigo. Promotor principal: Francisco Javier
González Castaño, Grupo de Tecnoloxías da Información.
• Ecobone: Implantes óseos avanzados mediante tecnoloxía
supercrítica. O obxectivo xeral do proxecto Ecobone é a
valorización comercial dunha tecnoloxía para a preparación de
implantes óseos sintéticos que sexan “o benchmark en
termos de custo-beneficio”, así como avaliar outros posíbeis usos
desta tecnoloxía. Entidade: Universidade de Santiago de Compostela.
Promotor principal: Carlos A. García González, Grupo I+D Farma e
Grupo GIPA.
• Frontier: Fibra óptica recuberta de metal de alta
estabilidade para o monitoreo distribuído de infraestrutura de alta
temperatura. O obxectivo é a transferencia ao mercado dunha
tecnoloxía de deposición de recubrimentos metálicos protectores
sobre sensores distribuídos de fibra óptica, moi demandados en
varios sectores industriais. Entidade: Asociación de Investigación
Metalúrxica del Noroeste (Aimen). Promotor principal: Tania Grandal,
Equipo de Sensores Fotónicos.
• Sense UAV: Módulo anti-colisión multisensor integrado en vehículos
aéreos non tripulados (UAV pola súas siglas en inglés). O
obxectivo principal deste proxecto é o desenvolvemento dun produto
embarcado de detección de obstáculos para UAVs, para evitar
colisións e garantir a seguridade aérea. Entidade: Fundación
Centro Tecnolóxico de Telecomunicacións de Galicia (Gradiant).
Promotor principal: José Antonio Rodríguez Artolazábal, Área de
Información Multimodal.
• Surfacorn: Aplicación do extracto biosurfactante
obtido dos licores de lavado de millo para usos cosméticos e
farmacéuticos. Con este proxecto preténdense levar ao mercado dous
extractos biosurfactantes BS1 e BS2, extraídos dos licores de lavado
de millo para a súa aplicación en distintos sectores industriais.
Estes extractos poden ser obtidos de forma secuencial desta corrente
residual para o seu uso na industria cosmética, farmacéutica e/ou
agroquímica. Entidade: Universidade de Vigo. Promotor principal: Ana
Belén Moldes Menduiña, Enxeñaría Química-10.
• Canther: Desenvolvemento dun fármaco dirixido contra a
degradación de proteínas para o tratamento de metástase de
carcinoma. O obxectivo do proxecto é establecer unha spin-off
para desenvolver ata a proba de concepto clínica un inhibidor de
molécula pequena da E3-ubiquitina-ligasa Hakai, destinada a terapias
antimetastáticas de colon. Entidade: Fundación Profesor Novoa
Santos. Promotor principal: Angélica Figueroa Conde-Valvís, Grupo
Plasticidade Epitelial & Metástases.
• Traffikgene: Novos vehículos peptídicos para
aplicación en terapia xénica. TraffikGene ten como obxectivo a
transferencia a mercado dunha nova tecnoloxía, que facilita o
transporte de material xenético (ADN, ARN) e proteínas funcionais
(CRISPR/Cas) para a súa aplicación en terapia xénica. Entidade:
Universidade de Santiago de Compostela. Promotor principal: Javier
Montenegro, Grupo de Investigación Montenegro lab.