GAIN destaca a contribución de DATAlife á transformación dixital das pemes galegas
mércores, 20 de decembro do 2023
A directora da
Axencia Galega de Innovación (GAIN), Patricia Argerey, interviu esta mañá na asemblea
ordinaria do hub de innovación dixital DATAlife. Argerey felicitou aos socios
do Hub por promover esta organización que apoia a dixitalización e a
transformación dixital nas cadeas de valor asociadas (saúde e coidados,
agricultura, mar, agroalimentación e forestal-madeira) acadando as 5.000 pemes
apoiadas a través dos seus servizos, os 800 servizos de innovación prestados e
os 27 proxectos de transformación dixital traccionados.
Argerey apuntou
que «DATAlife contribúe ao acceso do tecido produtivo galego aos recursos
necesarios para avanzar na súa transformación dixital e reforza a colaboración
dentro do ecosistema galego de innovación». Tamén subliñou a achega deste hub a
mellorar o posicionamento internacional dos axentes galegos de innovación e a
consolidar a internacionalización da Marca Galicia no ámbito da I+D+i. A este
obxectivo teñen contribuÃdo o recoñecemento como Hub de Innovación Dixital
Europeo e a súa a integración na Rede europea de Hubs de innovación dixital,
asà como a participación do Hub en varios proxectos europeos, que supuxeron un
retorno de 9 millóns de euros en fondos europeos, procedentes tanto dos
programas Digital Europe como de Horizonte Europa.