GAIN activa unha nova convocatoria de 6 millóns a prol do emprendemento innovador
mércores, 31 de agosto do 2022
- Patricia Argerey, directora de GAIN, nunha imaxe de arquivo
A
Axencia
Galega de Innovación (GAIN) que dirixe Patricia Argerey lanzou unha
nova convocatoria dotada con preto de 6M€ para seguir apoiando o
emprendemento innovador. En concreto, esta liña de axudas
financiará a posta en marcha de arredor de 20 proxectos empresariais
cun “alto compoñente investigador e tecnolóxico”. O prazo de
presentación de solicitudes estará aberto ata o vindeiro 30 de
setembro.
GAIN
dirixe esta convocatoria aos 15 proxectos excelentes galegos que
recibiron boa puntuación na ultima convocatoria estatal do programa
Neotec e que non obtiveron financiamento por falta de crédito. Como
novidade, este ano tamén poderán concorrer a esta liña de axudas
as mellores novas firmas innovadoras do resto de España que tamén
superasen os limiares establecidos na convocatoria de Neotec 2021 e
que trasladen a súa sede social e de traballo a Galicia.
Con
estes apoios, o Goberno galego segue apostando pola innovación como
“factor clave para impulsar a recuperación”.
Na
primeira convocatoria, a Xunta impulsou 13 proxectos con axudas de
2,9M€ no eido das TIC (Tecnoloxías da Información e a
Comunicación), da modernización dos sectores primarios galegos ou
na diversificación de sectores tractores galegos e os seus
auxiliares a través dun uso intensivo de tecnoloxías facilitadoras.
Esta
liña complementa outras actuacións do Goberno galego como a
Estratexia de impulso ás pemes, os préstamos IFI Innova, a
aceleradora de comercialización internacional da innovación Galicia
Avanza ou o traballo que se realiza a través das incubadoras e
aceleradoras galegas.