Femxa achega un curso de balde sobre produtos multimedia con ampla oferta de contrato
venres, 23 de maio do 2014
A empresa galega Grupo
Femxa vén de anunciar que a partir de xuño achegará en Vigo un
curso de balde con oferta de inserción laboral e Certificado de
Profesionalidade para desempregados menores de 30 anos. Este
curso, informa a compañía que dirixe Patricia García, “é o
colofón a unhas actividades formativas iniciadas hai meses, que se
traducirán na contratación de 76 persoas”. A actividade anunciada
hoxe xirará arredor do desenvolvemento de produtos editoriais
multimedia. Quen o finalice obterá un Certificado de
Profesionalidade, que segundo indica Femxa “permitiralle acreditar
oficialmente esta formación tanto ante empresas privadas como
Administración Pública”.
Amais da devandita
acreditación, achegaráselles aos alumnos a posibilidade de acadar
“un posto de traballo directo”. Isto significa, engade a empresa
galega, “que a metade das persoas que superen con éxito a
formación e as súas prácticas en empresa terán un posto de
traballo ao finalizar”. Este curso é gratuíto para o alumno xa
que están subvencionado ao 100% pola Fundación Tripartita para a
Formación no Emprego e o Servizo Público de Emprego Estatal.
