Facebook anuncia medidas contra os titulares sensacionalistas e escandalosos
xoves, 4 de agosto do 2016
Nos últimos anos vimos como unha praga, froito
principalmente da falta de cultura de consumo de contidos por parte da grande
masa de usuarios que hai actualmente en liña, invadÃa as redes sociais con
informacións de interese moi dubidoso que conseguÃan relevancia a través de
titulares sensacionalistas que esaxeraban a realidade mediante reclamos que
seguÃan unhas fórmulas moi concretas, e conscientes de que este tipo de
material empobrece a experiencia de uso, dende Facebook levan moitos meses
loitando contra o chamado clickbait,
e agora anuncian
que están a implantar melloras no sistema que elixe as novas que vemos
cando visitamos Facebook para que poida manter o seu carácter comunicativo e
non se deturpe por mor das malas prácticas de creadores de contidos sen
escrúpulos que saben como levar aos usuarios a facer clic nun titular enganoso
ou, cando menos, esaxerado.
Distinguir as historias xenuÃnas das que son lixo non é unha tarefa doada, pero
dende Facebook aseguran que están a esforzarse para promover as primeiras, xa
que reciben moitas queixas dos usuarios que atopar demasiados titulares que
buscan simplemente que o usuario faga clic sobre os mesmos para conseguir
rabuñar algo de tráfico a unha páxina web normalmente cargada de publicidade e
carente de contido orixinal.
Unha das cousas que van comezar a controlar dende Facebook son as ligazóns que
reciben un rebote rápido (ou sexa,
que o usuario volve ao pouco de facer clic ao atopar un contido que non cumpre
coas súas expectativas), e tamén intentarán detectar o uso das populares
fórmulas de clickbait (como titulares
interrogatorios, afirmacións sorprendentes
e titulares que claramente non describen o contido ao que ligan) dun xeito
semellante a como funcionan os filtros para detectar o correo lixo, de xeito
que o material que sospeiten que realice esta práctica perderán posición no
fluxo de novas de Facebook.
Dende Facebook tamén advirten que as páxinas que fagan un uso intensivo de clickbait poderán ver como a súa
difusión diminúe, xa que os seus titulares terán cada vez un menor impacto, ou
sexa, que non serán sancionados, senón que simplemente irán perdendo relevancia
se non realizan boas prácticas de publicación.