Éxito de convocatoria na II edición de Ciberseguridade no cole
luns, 17 de outubro do 2022
O lanzamento da II edición do concurso Ciberseguridade
non cole!, promovido por Telefónica, tivo
unha enorme acollida entre os colexios de Galicia. Tras o peche do perÃodo
de inscricións, presentáronse un 60% máis de colexios que o ano pasado (61
fronte aos 38 de 2021), e case un 100% máis de clases de primaria e secundaria
(157 fronte ás 80 do pasado ano).
Ciberseguridade non cole! é un concurso para alumnos
de 10 a 14 anos. Está dirixido ao alumnado de 5º e 6º de primaria e 1º e 2º da
ESO. O obxectivo do concurso é fomentar a concienciación en materia de
ciberseguridade no ámbito escolar e facilitar que os alumnos adquiran os
coñecementos e as ferramentas necesarias para facer fronte aos riscos que
entraña o uso dos medios dixitais, ademais de promover unha cultura de
ciberseguridade entre os adolescentes.
Os centros educativos participantes no concurso e que se
rexistraron correctamente foron informados o pasado dÃa 13 dos detalles e
requisitos técnicos (equipo informático con conexión a internet) necesarios
para a primeira fase inicial en liña do concurso, que se celebrará o 20 de
outubro. Será requisito necesario rexistrarse utilizando un correo electrónico
do propio centro escolar para validar a súa participación. Posteriormente
daranse a coñecer os 3 equipos finalistas de cada categorÃa (Primaria e
Secundaria), que serán convidados a participar na fase final presencial que se
celebrará o dÃa 10 de novembro na Cidade da Cultura de Santiago durante o
Encontro CIBER.gal, onde serán anunciados os gañadores.