Exame á Sanidade galega o vindeiro martes

O Hostal dos Reis Católicos de Santiago acollerá o vindeiro 3 de febreiro un encontro dirixido a dar conta dos últimos avances tecnolóxicos dados na atención médica galega. O evento A interconexión da Sanidade en Galicia: á vangarda de España dará comezo ás 10 horas e incluirá, entre outras actividades, a entrega dun premio específico á Xunta de Galicia polo seu labor de innovación no Sergas: o premio El Nuevo Lunes. O galardón, máis polo miúdo, vén motivado por un proxecto específico da Consellería de Sanidade: o proxecto Ianus.