Estréase Lively, o Second Life de Google
mércores, 9 de xullo do 2008
A Second Life
acaba de aparecerlle un duro competidor, pois Google vén de anunciar Lively, unha plataforma para a creación de
espazos tridimensionais virtuais nos que avatares creados polos usuarios poden
interaccionar en tempo real e que funciona a través dun engadido para os
navegadores Internet Explorer e Firefox (só baixo Windows XP e Vista).
Un dos puntos fortes deste novo servizo é que se
pode integrar en páxinas web e blogs, non executándose a través dunha
aplicación externa coma Second Life, e polo momento dá total liberdade aos
usuarios para personalizar os seus personaxes e crear os seus propios contornos
3D nos que atoparse co outras persoas a través das súas representacións
virtuais para poder chatear.
|
Cómpre destacar que a interacción entre os personaxes tridimensionais non
se limitará ao intercambio de mensaxes de texto, de xeito que poden darse
apertas, rir, bailar ou mesmo chocar os
cinco.
Os laboratorios de Google traballaron coa Universidade do Estado de Arizona
para a creación desta nova plataforma, e grazas aos comentarios dos estudantes
de tal Universidade desenvolveron funcións coma permitir a visualización de
vÃdeos de YouTube en televisores virtuais ou amosar fotografÃas en marcos
virtuais sitos nas habitacións.