Este sábado celébrase en Vigo o congreso Somos Emprendedores Dixitais

Este sábado 19 de novembro celébrase no Círculo de Empresarios de Vigo o congreso Somos Emprendedores Dixitais, que dará comezo ás 9.30 horas contando coa presenza do delegado da Zona Franca de Vigo, David Regades, entre outras autoridades.
O evento, organizado por Benlly Hidalgo, vén cun formato de relatorios talks de 20 a 30 minutos. O obxectivo da cita é coñecer a experiencia dos emprendedores dixitais e os resultados das súas estratexias. O congreso conta coa colaboración do Concello de Vigo, a Zona Franca, a Deputación de Pontevedra, Coca Cola e Biscuits Galicia, co patrocinio de Raiola Networks, Miguel Camarena, Ringover, o Círculo de Empresarios de Vigo, BotsLovers e Pipedrive.