Estáncase o uso de Linux a nivel mundial

Porporción de equipos por sistema operativo

A publicación francesa Journal du Net, publicou os datos comparativos entre 2006 e 2007 do uso de sistemas operativos a nivel mundial amosando un lixeiro incremento dos usuarios, así como o estancamento no uso de Linux, o que indicaría que a impresión de que o sistema operativo está de moda non se corresponde coa realidade, continuando a dominar Microsoft este sector co 86,7% dos equipos coas distintas versións de Windows.
Os ordenadores con Linux instalado serían o 3,4%, mentres que o sistema operativo de Apple subiu do 3,6% en 2006 a un 4% no pasado mes de xuño. Tamén comeza a medrar o número de usuarios de Windows Vista, aínda que o número de usuarios con Windows 2000 é bastante superior, mentres que o Windows 98 parece estar quedando no esquecemento con menos do 1%.