Escolas Abertas anuncia novos cursos de teleformación para emigrantes galegos
venres, 19 de decembro do 2008
O vindeiro luns
día 22, ademais de ter lugar o agardado sorteo de lotería de Nadal que fará
posible que algúns afortunados poidan vivir as festas máis inesquecibles das
súas vidas, tamén darán comezo os cursos 2008 de Escolas Abertas na modalidade
de Teleformación que organiza a Secretaría Xeral de
Emigración e que instruirán a un total de 182 alumnos de 13 países
diferentes.
Os cursos están
destinados aos cidadáns galegos que residen no estranxeiro e aos seus descendentes
con residencia legal en Galicia, e forman aos asistentes en materia de novas
tecnoloxías, deseño gráfico e ferramentas de procesamento de texto, entre
outras cousas.
Esta formación en
liña, vén de ser definida polos seus responsables como “unha ferramenta esencial para a participación da cidadanía galega no
exterior da vida social e cultural de Galicia” e neste caso é unha
actividade moi útil para a formación e especialización dos nosos emigrantes.