Enxebre colabora nun proxecto de desenvolvemento de fluxos de traballo 3D estereoscópicos
luns, 23 de marzo do 2009
A galega Enxebre Entertainment pechou un acordo de
colaboración coa británica The Foundry para aplicar os seus respectivo
coñecementos do negocio aplicándoo ao desenvolvemento dun fluxo de traballo
completamente estereoscópico baixo o engadido
3D Ocula para a ferramenta
de postprodución e efectos Nuke.
Esta colaboración permitirá identificar problemas e necesidades na fase de
postprodución dunha produción estereoscópica, mellorando non só as ferramentas
de composición, senón tamén achegando unha visualización 3D en tempo real,
mellorando a calidade estereoscópica e reducindo o tempo da postprodución.
Para a visualización tridimensional en tempo real contarán coa colaboración
tecnolóxica de Projection Design.
