En marcha os cursos en liña para a obtención do certificado básico de coñecemento do galego
martes, 5 de abril do 2011
A SecretarÃa Xeral
de PolÃtica LingüÃstica puxo
en marcha este luns 4 de abril as súas actividades formativas en liña para
a obtención das certificacións de lingua galega no nivel Celga1. En total,
falamos de tres cursos telemáticos destinados a cubrir as necesidades de máis
de 150 persoas. As actividades ficarán activas até o vindeiro 15 de xuño. Cada
unha delas, informa PolÃtica LingüÃstica, inclúe 10 unidades didácticas de
traballo abranguendo tódalas competencias básicas sobre a aprendizaxe e manexo
do noso idioma. Falamos de expresión e comprensión oral e escrita.
Cada un destes dez
elementos incorpora, á súa vez, 50 actividades artelladas en tres bloques. O
gran obxectivo dos organizadores é que os cursos en cuestión fosen útiles á vez
que doados. O seu alicerce incorpora a supervisión e asesoramento dun titor xunto
co emprego de recursos audiovisuais e ferramentas lingüÃsticas tecnolóxicas. A plataforma virtual habilitada conta cun foro
interno de opinión e de debate para o alumnado.
Segundo fai saber a SecretarÃa Xeral de PolÃtica LingüÃstica, as
actividades forman parte da súa oferta de formación en liña para este ano, que
tamén abrangue os primeiros cursos de linguaxe administrativa galega, un total
de 13, encamiñados á formación no noso idioma do persoal da Administración pública
de Galicia.