En marcha aomm.tv, plataforma para practicar o exercicio de relación que máis nos conveña
martes, 4 de xuño do 2013
De xeito paradoxal, as
novas tecnoloxÃas, en certa maneira sÃmbolos da vida acelerada que
levamos, están a canalizar arestora múltiples xanelas ao lecer e á
relaxación no sentido máis estrito do termo. Un exemplo disto
último é aomm.tv, unha especie de
remedio para o ritmo que adoitan amosar hoxe as cousas, cuns horarios
laborais e unhas obrigas persoais que tampouco é que deixen moita
marxe para extraer de nós a tensión amoreada. Máis polo miúdo,
aomm.tv é unha canle para practicar exercicios de ioga ou pilates
sen necesidade de estarmos onde o resto da nosa clase, grupo ou
equipo. A plataforma, desenvolvida en España pola empresa do mesmo
nome (co apoio da incubadora internacional Founder Institute), achega
prácticas guiadas do devandito, en liña e a calquera hora do dÃa.
Está indicada, ademais,
tanto para persoas que se inician neste tipo de exercicios
corporais-espirituais como para os que xa están na fase de
perfección das diferentes técnicas. Segundo fan saber os
responsábeis destes desenvolvemento, a plataforma dispón dun amplo
catálogo de clases e sesións guiadas, achegándose infinitas
posibilidades de adaptación ás necesidades de cada internauta.
Aomm.tv, engaden, permite configurar a actividade elixindo estilo,
duración da clase, nivel, profesor e obxectivo a conseguir. A
plataforma xa está dispoñÃbel a un prezo de promoción de 6 euros
ao mes, que permite acceder de de forma ilimitada a todos os seus
contidos. Ademais, semanalmente a web actualiza os seus contidos con
novas clases e prácticas.