En Galicia preferimos felicitar á familia por WhatsApp ou teléfono e ás amizades en persoa
luns, 20 de decembro do 2021
O
operador galego R vén de realizar un estudo que revela a preferencia
da poboación galega polas felicitacións mandando un WhatsApp ou
realizando unha chamada telefónica cando se trata de familiares. En
concreto, no informe dise que o 45 % dos/as enquisados/as asegura
optar pola dita aplicación de mensaxería e o 42 % polas
comunicacións de voz.
No
caso das felicitacións a amigos/as e/ou coñecidos/as, ata un 65 %
da mostra inclínase por facelo en persoa por riba de calquera
servizo de telecomunicacións, fronte a un 32 % que prefire a chamada
telefónica para as amizades e a un 26 % que opta tamén polo
teléfono para os/as coñecidos/as non tan próximos/as.
Tamén
se fai saber que “tanto para amizades próximas como para as que
non o son tanto, só escolle o medio do WhatsApp entre un 1 % e un 2
%”. Deste xeito, engádese, “a felicitación escrita unicamente é
unha opción para o 5 % das persoas cando se trata de contactar cos
seus familiares e inexistente no caso de dirixirse a amigos/as”.
Polo que respecta á vídeo-chamada, tradúcese neste estudo na
alternativa dun 9 % da mostra á hora de felicitar a familiares, dun
4 % para amigos e dun 3 % para coñecidos/as.