En Arteixo a cidadanía poderá desenvolver por Internet todos os trámites tributarios
martes, 10 de agosto do 2021
O
Concello de Arteixo comezou este mes de agosto achegando novidades
importantes sobre a súa transformación tecnolóxica. En concreto,
anunciou
que vai permitir que a cidadanía desenvolva todos os trámites
tributarios por Internet. Farao a través da web municipal,
arteixo.org, e implantando un
sistema tecnolóxico específico que optimice o actualmente
operativo, e tamén a metodoloxía empregada, posibilitando cousas
como realizar pagamentos pero tamén a obtención dos recibos cos
datos correspondentes, cousa que até agora non vén sendo posíbel
(o que fai que a cidadanía teña que acudir presencialmente ás
oficinas municipais para acadalos). O obxectivo é que o novo sistema
estea activo e dispoñíbel antes de que remate o ano.
O
Concello explicou que a iniciativa implica un impulso á
eAdministración local e á comodidade e seguridade dos cidadáns,
“que non poden perder tempo en citas e desprazamentos aos bancos
para poder aboar as súas taxas e impostos”. O Goberno local tamén
fixo saber que a medida virá complementada coa contratación dunha
empresa que desempeñará as vertentes de asesoramento, atención e
información ante a cidadanía.
A
firma encargada do desenvolvemento do sistema será T-Systems ITC
Iberia. O custe será de 17.424 euros. Os labores de asesoramento e
atención serán desenvolvidos por outra empresa (pendente de
contratación).