EconomÃa e Industria quere promover a innovación nas empresas galegas
martes, 27 de abril do 2010
O I Encontro Bilateral
entre Empresas de Galicia e o Norte de Portugal organizado por Tecnópole
–Parque Tecnolóxico de Galicia– puxo hoxe en contacto en Ourense a 51
representantes de 28 empresas, centros tecnolóxicos e asociacións empresariais
da Eurorrexión interesados en establecer alianzas para emprender proxectos de
innovación transfronteirizos.
A
xornada foi inaugurada polo director xeral de I+D+I da ConsellerÃa de EconomÃa
e Industria, Ricardo Capilla, quen afirmou que «a empresa que non innove está condenada a morrer», ao que engadiu
que «este é o mellor momento para que as
PEME galegas se embarquen na innovación polas posibilidades que as novas
tecnoloxÃas da información poñen á súa disposición para facer prospectiva e
vixilancia tecnolóxica e polas oportunidades de financiamento ás que teñen
acceso». Neste sentido, Capilla insistiu en que Galicia «non pode permitirse renunciar aos 650
millóns de euros que o Fondo Tecnolóxico da Unión Europea ten reservados para a
comunidade ata 2013», en referencia a un instrumento de financiamento da
innovación activado en 2007 e do que ata o de agora só se consumiu o 8% por
falta de propostas.
O director xeral de
I+D+I anunciou que a nova Axencia Galega de Innovación, que xestionará as
polÃticas da Xunta de Galicia neste ámbito a partir deste verán, suporá «un cambio de paradigma nas axudas públicas
á innovación, facilitando instrumentos de financiamento máis eficientes e cun
maior retorno», en referencia a que convén adiantarse ao cambio de
escenario que suporá o esgotamento dos fondos europeos en 2013.
Capilla explicou que o
novo Plan Galego de Innovación, en fase de elaboración, terá o seu foco
principal na empresa, «a única que pode
poñer en valor a innovación situando novos produtos e servizos no mercado»,
e estará orientado aos resultados, «con
métricas de medición dos retornos claras e de aplicación para todos».
Segundo o responsable de I+D+I da Xunta, isto suporá a corrección das
principais eivas do actual Plan (o INCITE), «de
resultados modestos e pouco orientado á innovación empresarial».
Os participantes tiveron
ocasión tamén de coñecer as axudas que o Instituto Galego de Promoción
Económica (IGAPE) ten abertas neste momento para o financiamento de proxectos
empresariais. O subdirector de Xestión de Proxectos do organismo, Norberto
Penedo, insistiu no programa de apoio á internacionalización, «que viu notablemente incrementada a súa
dotación este ano», e nas axudas de mellora de acceso a circulante para
autónomos e PEME, os Plans Re-Solve e Re-Brote.
En relación ás TIC,
comentouse que o sector comezará a recuperarse da crise en España e Portugal a
finais de 2010 e que as oportunidades para o desenvolvemento de proxectos
conxuntos están nos ámbitos con maior perspectivas de crecemento: a seguridade,
a virtualización, o outsourcing, a
mobilidade e os ultraportátiles.