EIC inclúe a tecnoloxía galega Tiivii entre as startups que crearán o futuro deportivo
martes, 10 de novembro do 2020
O
sistema Tiivii, tecnoloxía galega para a produción automática de
vídeo na nube (que permite, entre outras cousas, que cámaras fixas
e móbiles gobernadas por Intelixencia Artificial sigan o xogo e
produzan o sinal de TV de forma automática), foi
incluído dentro das seis novas empresas tecnolóxicas da aceleradora
europea EIC que traballan en solucións para a industria do deporte.
A UE
valorou no seu día que “a innovación de Cinfo é avanzada e
disruptiva” e que “podería ter moitas aplicacións aproveitando
a fondo as tecnoloxías 5G e IA, amais de posuír potencial para
crear un novo mercado global que inclúa comunidades arredor dos
deportes e os novos modelos de negocio para clubes deportivos.”
O
esquema EIC Accelerator, como lembraremos, apoia ás pequenas e
medianas empresas innovadoras de “alto potencial” que desexen
desenvolver e comercializar novos produtos, servizos e modelos que
poidan impulsar o crecemento económico e dar forma a novos mercados.
No
caso concreto de Cinfo, a empresa galega responsábel de Tiivii, a
aceleradora EIC destaca que a introdución de solucións a través de
produtos como Tiivii para mellorar a experiencia de seareiros e
deportistas grazas ás novas experiencias dixitais, como as
retransmisións en directo, Realidade Virtual e outras experiencias
que se poden lograr grazas a Internet, “faise cada vez máis
presente debido aos cambios que o ecosistema deportivo está a
sufrir”. Así mesmo, o EIC destaca a selección de Tiivii polo
Goberno español para mostrar o potencial da súa tecnoloxía na
transmisión de eventos baixo redes 5G.