Durante o mes de xuño poderán remitirse solicitudes para o Programa Pioneiros .gal
luns, 2 de xuño do 2014
- Manuel González, presidente da Asociación PuntoGal, dando conta do calendario de lanzamento do dominio .gal
O dominio .gal avanza cara a converterse nunha realidade
para a nosa sociedade, e dentro do seu proceso de lanzamento botou durante a
xornada de onte a andar o proceso de presentación de solicitudes para o seu Programa Pioneiros, a través do
que se activarán un máximo de 90 nomes de dominio a partir do vindeiro 25 de
xullo, o que servirá para darlles unha grande visibilidade tanto ao dominio
.gal como ás empresas que se acollan a este programa antes da apertura xeral do
dominio galego de primeiro nivel na Internet no mes de decembro.
Até o vindeiro dÃa 30 as entidades e persoas que queiran optar a un destes
exclusivos nomes de dominio co sufixo .gal, que durante catro meses servirÃan para
dar visibilidade ao dominio de Internet para a lingua, a cultura e a sociedade
galega na Rede, poden presentar unha solicitude para que a Asociación PuntoGal
a avalÃe de cara á súa aceptación no Programa Pioneiros .gal, para o que terán
que cumprir cunhas condicións
rigorosas (das que a Asociación dá conta nun completo documento en formato PDF)
entre as que figura o feito de que os espazos web que empreguen o .gal deberán
ter contidos en galego nunha parte significativa, ter contidos hospedados
directamente baixo o nome de dominio (e non mediante redireccións) e satisfacer
unhas esixencias económicas superiores ás que corresponderÃan a un rexistro de
dominio ordinario, pois preténdese que esta fase de pre-lanzamento do dominio
.gal contribúa ao financiamento da actividades do nome do dominio durante os
vindeiros meses. Por exemplo, as entidades sen ánimo de lucro e particulares
deberÃan aboar 400 euros de querer facerse cun Nome Pioneiro .gal, mentres que
as empresas que queiran optar a este Programa (de grande interese promocional
para as súas marcas de cara á sociedade galega) terÃan que satisfacer unha
cantidade de 3.000 euros.