Dous prototipos do CITIC poranse a proba no marco da expedición Compromiso coa Terra
martes, 28 de febreiro do 2023
Este
luns 27 de febreiro partiu dende Mos (Pontevedra), con destino ao
Lago Torneträsk de Laponia, a cuarta expedición do proxecto
Compromiso coa Terra, capitaneada pola alpinista
Chus Lago e que ten a finalidade de espertar a conciencia ambiental
sobre o cambio climático. Durante
a misión poranse a proba dous prototipos desenvolvidos no CITIC
(o Centro de Investigación TIC da UDC) dotados de sensores de brillo
de ceo nocturno que incorporan outros sensores auxiliares de
temperatura e humidade baseados en tecnoloxÃas IoT (Internet of
Things).
Os
prototipos deseñáronse no marco do proxecto Sensorización
ubicua do brillo do ceo nocturno baseado en tecnoloxÃas da internet
das Cousas
do Plan Estatal de I+D+i. O proxecto, dirixido por Carlos Dafonte
Vázquez e Minia Mantegia e no que participa o investigador Daniel
Boubeta Portela, céntrase no deseño e desenvolvemento duns
fotómetros baseados en hardware e software libre con capacidades
aumentadas de conectividade, almacenamento e procesado das medidas de
brillo do ceo nocturno.
No
proxecto tamén se desenvolveu unha plataforma de comunicacións
asociada para recompilar a información e posta ao dispor da
comunidade cientÃfica. As condicións extremas de temperatura do
Lago Torneträsk e a súa localización próxima ao Polo Norte
convérteno nun lugar óptimo no que poñer a proba a resistencia e
funcionamento dos sensores desenvolvidos no CITIC.
A
expedición terá unha duración de aproximadamente 20 dÃas e os
seus membros circunvalarán o perÃmetro de aproximadamente 200 km do
Lago Torneträsk en esquÃes e arrastrando as zorras nos que levarán
os seus equipos persoais.