Dodro, Rianxo, Padrón e Rois achegan formación tecnolóxica a persoas desempregadas dos seus territorios
luns, 22 de agosto do 2022
O
Programa Integrado de Emprego dos Concellos de Dodro, Rianxo, Padrón
e Rois 2021/2022, financiado pola Consellería de Promoción do
Emprego e Igualdade da Xunta de Galicia e o Servizo Público de
Emprego Estatal (SEPE) segue coa súa actividade nestes meses de
verán. Segundo veñen de lembrar dende o Goberno local de Dodro, o
programa formativo e de capacitación (tecnolóxica, comercial,
emprendedora, de autopromoción, de vendas, de trámites en liña,
etc) está dirixido a 100 persoas desempregadas do ámbito
territorial comprendido polos devanditos catro municipios, inscritas
como demandantes de emprego no Servizo Público de Emprego de
Galicia, e ten como finalidade “a mellora da empregabilidade dos/as
beneficiarios/as a través da realización dun conxunto de accións
para facilitar a súa inserción no mercado laboral”.
Ademais
das entrevistas individuais de orientación e asesoramento laboral
que se están facendo diariamente, nunha segunda fase realizáronse
as seguintes accións formativas co obxectivo de mellorar o
currículo e a empregabilidade dos usuarios:
-Curso
de procesos e sistemas loxísticos, de 46 horas de duración,
celebrado no Centro Social de Padrón, do 21 de xuño ao 1 de xullo.
-Curso
de operacións básicas de caixa, de 15 horas de duración,
celebrado no Centro Social de Padrón, do 4 ao 6 de xullo.
-Curso
de promoción do traballo autónomo e emprendemento, de 15 horas
de duración, na aula CeMIT de Padrón do 21 ao 26 de xullo.
-Curso
de trámites on line para o emprego e o autoemprego
de 15 horas de duración, na aula CeMIT de Padrón do 27 ao 29 de
xullo.
Na
actualidade estase impartindo na Casa da Cultura de Dodro o Curso
de inglés para o turismo, de 60 horas de duración, que se
iniciou o pasado 1 de agosto e rematou o 12 de agosto.
