Dispárase o interese da cidadanía polo desenvolvemento de aplicacións de IA en vehículos
martes, 28 de decembro do 2021
O
ONTSI (Observatorio Nacional de Tecnoloxía e Sociedade) compartiu os
datos máis destacados do seu novo
estudo sobre as aplicacións da Intelixencia Artificial e a súa
presenza (cada vez maior) entre nós (dispoñíbel en PDF). O
informe, que pon o foco na opinión que a cidadanía ten sobre estas
ferramentas en asistentes virtuais, automóbiles, asesoramento en
compras dixitais e saúde, sitúa os ámbitos ligados á condución
como as temáticas que máis interese suscitan entre a poboación,
polo potencial que achegarían para mellorar até o inimaxinábel a
seguridade e a eficiencia nas estradas. En concreto, a condución
intelixente esperta a maior taxa de interese entre a cidadanía,
cunha taxa do 55% da mesma amosando moito ou bastante curiosidade
sobre estes avances.
Este
ámbito ten especial pegada entre as persoas de idades comprendidas
entre os 25 e 34 anos, onde o interese medio é de case 7, o máis
alto entre todos os segmentos e todos os posíbeis desenvolvementos
de IA.
Á
hora de valorar a seguridade percibida, o 67% da poboación enquisada
considera que a incorporación deste tipo de aplicacións nos
automóbiles “non supón un perigo nin para os ocupantes do
vehículo, nin para o resto dos vehículos ou viandantes”.
En
canto aos asistentes intelixentes, o 51% da poboación enquisada
mostra moito ou bastante interese polo desenvolvemento da IA neste
ámbito e só ao 17% non parece que lle xere ningún beneficio a
posibilidade de utilizar un asistente virtual con Intelixencia
Artificial.
O
índice curiosidade media da poboación pola introdución de IA nos
asistentes virtuais sitúase en máis de 6. Esta puntuación é moi
similar en todos os segmentos de idade poboacionais.
Respecto
da implantación das tecnoloxías con capacidade para analizar
información a gran escala e tomar as mellores decisións en materia
de compras, tamén de recomendación (o que se coñece como
tecnoloxías prescriptoras), o estudo sinala que o interese xerado é
“o máis baixo entre todos os elementos analizados”. Así, só o
29% de cidadanía considérao interesante fronte ao 33% que o valora
como nada interesante.
No
que atinxe ao ámbito médico, o observatorio ONTSI explica que o 41%
dos enquisados sitúase a favor da aplicación da IA no ámbito
médico. A poboación menor de 35 anos é a que se mostra máis
favorábel á súa implementación, “xa que considera que sería
algo moi ou bastante interesante de face ao diagnóstico e seguimento
de pacientes”. Pola contra, o 26% da cidadanía non se mostra moi
partidaria de aplicar a IA no medicamento.