Dinahosting agasalla 650 dominios .eu polo seu décimo aniversario
mércores, 2 de febreiro do 2011
A empresa Dinahosting, con sede en Santiago de
Compostela, está a celebrar estes días un feito que nos tempos que corren ten
especial mérito e, ademais, dálle azos ás firmas galegas do sector tecnolóxico-dixital
que estean a ver neste intre o vaso medio baleiro, en troques de xa sabemos
como. Estamos a falar do seu décimo aniversario, unha circunstancia que
Dinahosting quere compartir con todo o mundo agasallando até
650 dominios .eu entre a nosa comunidade internauta.
A iniciativa, que implica que teñamos un dos
destes dominios, e de balde, ao longo dun ano, é en palabras dos responsables
da firma compostelá “un xeito de
agradecer a confianza depositada nela e no seu equipo”. Os dominios en
cuestión dispoñibles, que ían polos 250 ao mediodía deste mércores 2 de
febreiro, achéganse por usuario/IP. Ou sexa, que só se agasalla un por
usuario/IP.
Dinahosting, por outra banda, anima á
comunidade en liña a divulgar a nova até entre as amizades e empregando as máis
diversas canles, entre as que se inclúen Twitter e Facebook.