Digi abre na Coruña a súa primeira tenda en Galicia
xoves, 21 de decembro do 2023
Digi,
a operadora de telecomunicacións da multinacional Digi
Communications, abriu na Coruña a súa primeira tenda en Galicia, co
obxectivo de “estar máis preto de os seus clientes”. Situada no
número 74 da rúa Juan Flórez o establecemento concibiuse como “un
un espazo onde os clientes poderán contratar os servizos de fibra e
móbil que ofrece Digi, como Fibra Smart de 500 Mbps por 15 €, ou
Pro-Digi, con ata 10 Gbps de velocidade, por 25€”. Os clientes
tamén poderán recibir asesoramento sobre cal solución lles acae
mellor e resolver calquera dúbida ou consulta que teñan acerca dos
seus servizos.
Digi
suma esta tenda ás que inaugurou este mesmo ano nas cidades de
Valencia, Bilbao, Barcelona e Málaga, así como ao resto das súas
canles presenciais de atención, como os máis de 4.000 puntos de
venda ou as casetas Digi da maioría dos principais centros
comerciais.
O
novo establecemento na Coruña conta cun espazo diáfano para
favorecer “un trato máis personalizado”, explicaron fontes da
operadora, que engadiu que o local estará aberto dende este 21 de
decembro en horario de 10h a 21h de luns a venres, e de 10h a 14h os
sábados.
En
opinión do responsábel comercial da empresa, Ángel Álvarez,
“abrimos esta tenda co obxectivo de estar máis preto de os nosos
clientes na Coruña, onde estamos moi presentes grazas á nosa
despregadura de rede de fibra e onde contamos, ademais, cunha
delegación propia con máis de 375 empregados”.
A
empresa acompañou a súa presenza física na Coruña da contratación
de 3 profesionais.
Ademais
desta delegación propia, Digi dispón de máis de 130 puntos de
venda en toda a provincia. Así mesmo, no último ano, o número de
clientes de fibra na Coruña aumentou un 219%.
A
isto hai que engadir que, desde 2022, a empresa é patrocinadora
oficial do RC Deportivo.