Declaración institucional da Xunta de Galicia co gallo da conmemoración do DÃa de Internet
martes, 17 de maio do 2011
Hoxe, 17 de maio, coincidindo co DÃa das Letras
Galegas os galegos celebramos tamén o DÃa de Internet, unha xornada para difundir as
posibilidades que brinda a Rede as tecnoloxÃas da información e das
comunicacións, e tamén unha ocasión para lembrarnos os retos que temos por
diante neste ámbito.
Internet supón un importante impacto na economÃa
española achegando de forma directa 23.400 millóns de euros ao PIB e
sendo un factor de transformación da sociedade. A Rede contribúe a
facilitar o dÃa a dÃa dos cidadáns coa implantación de novos servizos, como a
administración electrónica, o comercio electrónico e outros servizos dixitais
aplicados á educación e á sanidade. Ademais, as redes sociais
revolucionaron a forma de interacción entre as persoas servindo de
ferramenta para a divulgación de coñecemento e de cultura facendo o mundo máis
próximo.
O Goberno galego ten entre as súas prioridades que
Galicia se integre de xeito definitivo na Sociedade da Información e para
conseguir este obxectivo elaborou unha estratexia tecnolóxica totalmente
transversal, 2014.gal Axenda Dixital de Galicia, a primeira folla de ruta coa
que conta a Administración para integrar as TIC en todos os ámbitos da
sociedade.
Entre as liñas de actuación da Axenda Dixital de
Galicia as infraestruturas de telecomunicación representan un papel esencial,
posto que constitúen o canal de acceso de cidadáns e empresas aos novos
servizos tecnolóxicos avanzados. A extensión de redes de telecomunicacións
modernas e sustentables contribúe á mellora de produtividade e innovación das
nosas empresas incrementando a competitividade, a calidade de vida dos cidadáns
e, por tanto, a transformación de Galicia a través da economÃa baseada no
coñecemento e a innovación.
- Alberto Núñez Feijoo e Mar Pereira nunha xuntanza con representantes do Cluster TIC
A través do Plan Banda Larga 2010-2013, comezan a
materializarse estes obxectivos estendendo as redes para levar a banda larga a
todos os galegos, tratando de eliminar a marcada fenda dixital e garantindo un
servizo de internet de calidade por enriba do definido no servizo universal da
Lei de EconomÃa Sostible. A dÃa de hoxe e grazas ao Plan da Xunta, xa se
reduciu en máis dun terzo a poboación de Galicia sen cobertura de banda larga,
quedando aÃnda por diante tres anos de traballo para chegar ao obxectivo do 100%
dos galegos con acceso á Rede.
Ademais, o novo reparto máis eficiente do espectro
radioeléctrico iniciado polo Goberno Estatal, axudará a facilitar o acceso á
Internet de calidade nas zonas rurais a través de comunicacións de banda larga
en mobilidade, comunicacións que levan unha marcha imparable e que se prevé que
sexan o acceso á banda larga maioritario a nivel mundial no ano 2014.
Con todo, o reto asumido por Galicia, esixente pero
alcanzable, é competir no novo mercado único dixital europeo, traballando na
converxencia con Europa e mantendo a aliñación coa Axenda Dixital Europea, na
que cobran especial relevancia as redes de nova xeración que permiten
velocidades de cando menos 100Mbps e que establece como obxectivo que no ano
2020 a metade dos europeos dispoñan de acceso a este servizo. O Goberno galego
a través do Plan Banda Larga está a incentivar o despregamento destas redes
sÃmbolo de innovación, co fin de situar a Galicia entre as rexións de
referencia ao posibilitar, xa no ano 2013, o acceso a redes de nova xeración a
case a metade dos galegos.
Son nestas redes de nova xeración nas que se asentan
novos servizos innovadores e diferenciais como poden ser servizos de
computación na nube ou os servizos e dispositivos no ámbito do fogar, como o
chamado Fogar Dixital. Este novo concepto de Fogar Dixital mellorará a calidade
de vida nos fogares galegos no eido da eficiencia enerxética, da seguridade, da
accesibilidade e incluso do lecer e do entretemento, a través da converxencia
de servizos, infraestruturas e equipamentos.
Neste marco, co fin de adaptar as vivendas ás novas
redes constituÃdas maioritariamente por fibra óptica, creouse recentemente un
novo marco regulatorio estatal e no que ademais se establece unha clasificación
dos Fogares Dixitais que se presentan como unha escenario imprescindible no
futuro. Neste ámbito, a Xunta de Galicia pretende ser un referente, a través da
iniciativa de impulso ao Fogar Dixital enmarcada na Axenda Dixital de Galicia.
O vindeiro desafÃo para Internet é a transición cara
un novo esquema no que os obxectos cotiás estean identificados e conectados á
Rede e no que os novos servizos e aplicacións non serán só para usuarios senón
para todo tipo de dispositivos, avanzando cara un mundo totalmente interconectado
coñecido como o Internet das Cousas.
Para afrontar estes retos Galicia xa está inmersa nunha estratexia dixital de
futuro para os galegos.