Daniel Seijo impartirá este xoves na Coruña un relatorio sobre o poder de promoción e comunicación dos blogs
mércores, 6 de febreiro do 2013
- Daniel Seijo (á dereita) participando nunha mesa redonda durante o encontro B-web de 2011
Este xoves 7 de febreiro
temos unha
cita cos segredos das bitácoras en liña e os múltiples xeitos
de tirarlles partidos para incrementar e ampliar a nosa comunicación
cos demais, e a dos demais connosco. O encontro será na Coruña, en
San Pedro de Nós, na sede do Campus IFFE (Instituto de Formación
Financeira e Empresarial), a partir das 19 horas. Trátase, máis
polo miúdo, dunha actividade divulgadora e formativa que contará
coa presenza, en labores de relator, do blogueiro e experto en
edición dixital Daniel Seijo, responsábel entre outras cousas de
desenvolvemento de negocio en Diario Motor, canle da que é fundador.
Asemade, podemos ver as
súas achegas na
web Motorpasion.com, na que colabora arreo. Lembrar tamén que
Seijo, enxeñeiro técnico en Informática de Sistemas pola
Universidade da Coruña, é responsábel do blog El
agujero de
gusano, posto en marcha alá polo 2003 e hoxe aínda en
activo e facendo gala do que dixemos ao comezo deste texto: un
aproveitamento integral e activo do formato da bitácora en liña
para “comunicar de xeito máis próximo, amplo e dinámico”,
sinala Seijo. As temáticas a tratar na cita deste xoves son as
seguintes: historia dos blogs e das redes sociais, blogs como
ferramentas de promoción e estado actual e tendencias de futuro.